PUTIH LOREK IRENG OPO IRENG LOREK PUTIH

Pitakonan mau tuwuh ono ing fikiranku naliko aku dolan-dolan (piknik) menyang Jogja pemirsa.

Jare ora tau piknik lek…….?

 Maaf mas…mbak….wektu kuwi aku khilaf  haha….iso piknik amergo khilaf….

Jan-jane acarane ora mung piknik ananging acara halal bihalal keluarga besar SMK N 1 Bancak. Naliko kuwi acara digelar ono ing kebon binatang Gembira Loka.

Sawuse acara bubar sabanjure diteruske piknik keliling Gembira Loka nonton satwa kang ono ing kono, wiwit seko gajah, jerapah, onta, nganti kewan banyu yo ono koyo tho boyo, kodok, iwak lan liya-liyane. Nalikane tekan gon kandang munyuk pemirsa aku weruh munyuk sing lagi lungguh sinambi gujengan pager kandange. Tak matke, tak cedaki… rodo suwe anggonku ngematke nganti akhire aku dikagetke suarane bojoku “cie….cie….sing lagi ngaca”

Atem iwg……..

Aku lan bojoku banjur mlaku maneh nonton siji mboko siji kewan kang ono nganti tapis, akhire tekan lawing metu. Lha ono ing sacedake lawing metu mau ono kandang Zebra……

Kawitan sih tak anggep biyasa…..wis nate weruh, ono ing TV ugo sering ditayangke, nagging sadurunge tekan njaban lawing dumadakan tuwuh pitakonan ono ing pikiranku “jan-jane sing bener Zebra kuwi ireng lorek-lorek putih opo putih lorek-lorek ireng.

Tak takokke ono ing FB, BB, WA, MIG33….pranyoto jawabane ora podo antarane priayi siji lan sijine, ono sing jawab sak kepenake, lucu, serius malah ono sing nganggo dasarteori barang. Koyo ngopo jawaban mau bakal tak rangkumono ing ngisor iki….cekidot…..

1. Ireng lorek-lorek putih, alesane koyo zebra cross kae aspale ireng lagi dicat putih
2. Putih lorek-lorek ireng, alesane warna dasar ki kan putih trus lagi dicat ireng
3. Ireng lorek-lorek putih, alesane menurut teori ALFABET  huruf I (Ireng) iku luwih disik tinimbang huruf P (Putih)

Tak jajal Bahasa indonesiane pemirsa Hitam Putih……owh yo masuk…. Huruf H (Hitam) luwih disik tinimbang huruf P (Putih).

Tak jajal nganggo Bahasa inggris pemirsa, Black White……isih masuk pemirsa….. huruf B (Black) luwih disik tinimbang huruf W (White)

4. Ireng lorek-lorek putih, alesane aku ireng adiku putih jew brarti kan ireng disik,  hahaha….
5. Memang dasare ono 2 jenis, jenis pertama ireng lorek-lorek putih, jenis kedua putih lorek-lorek ireng

Nak menuru panjenengan piye pemirsa….?

Monggo ditambahi….

OPTIMIS vs PESIMIS

Gambar ing nduwur iku tak jukuk soko group WA (whats up) sing tak ikuti (aku yo duwe akun WA lho pemirsa….hehe…). Sing uploud yo piyantun Jogja. Miturut pinemu (pendapat) panjenengan opo arti kang kakandut ono ing ukoro pitakonan (kalimat tanya)ono ing gambar?

Menurutku pribadiku dewe pitakonan mau ngandut roso suko renaning penggalihe kanggo kang ngucapake khususe masyarakat Jogja, amergo wus rumongso biso atur pakhurmatan kantisamestine keporo luwih marang tamu kang rawung ono ing Jogja.

Wajar pemirsa, tak kiro panjenengan yo wis perso dewe. Sopo sing ora ketagihan dolan maring Jogja...?, pesona wisata wiwit soko kraton, pantai kang asri (Parang Tritis, Samas, Kwaru lan liya-liyane) ugo wisata kulinere kang terkenal Gudeg Jogja, ditambah maneh ramah tamahe poro penduduke. Kabeh mau andadekake sopo wae ora jeleh-jeleh tindak dolan maring Jogja

Mulo yo wis pas lan ora terlalu muluk-muluk ukoro pitakonan ing nduwur

 “KAPAN KE JOGJA LAGI?”

 Ukoro nduwur kuwi pemirsa podo karo ukoro pitakonan kang pertama mung bedo panggonane wae, nangeng ngandut roso kang seje (bedo) 180 derajat. Ukoro pitakonan ing nduwur mujudake ukoro pitakonan kang ngandut  roso getun (menyesal) lan pesimis. Mujudake pitakonan retorik kang ora butuh jawaban amargo jawabane wis jelas “Ora Sudi” hehe…..

Nyadong deduko ingkang sakalangkung katah dumateng bapak/ibu guru karyawan SMK N 1 bancak ingkang sampun kepekso kerso tindak dateng gubug kawulo wonten ing acara pengajian rutin ingkang wulan meniko dumawah wonten panggenan kawulo. Nyuwun pangapunten mbok bilih anggenipun atur papan palenggahan, aruh soho suguh kirang mranani ing penggalih.

Kenopo kok aku iso ngomong ngono pemirsa, yo awit  soko kahanan daerahku kang mesti wae yo seje bedo) 180 derajat karo Jogja, ojo maneh kok kahanan pantai kang elok…. Wong kanggo tumuju panggonanku wae butuh perjuangan kang ora enteng, kudu nglewati dalan kang rusak parah nganti angel mbedakke endi dalan endi kali hahaha….

Isih katambah tindak-tanduk kasare kaluargo kang ugo bedo karo priyai Jogja. Maklum “ adoh Ratu cedak watu” mulo unggah-ungguh lan trapsilone yo kurang. Dasare omahe yo KAMSOLI (KAMpung ndeSO pinggir kaLI) hehe…

so...........................................

KAPAN KE TRABAN LAGI….?

RA SUDI..!!!!

hahaha……

ngenes

Dear Pak bupati, Traban niku nderek Kab. Boyolali lho.......

Sadermo KEPO

Kiro-kiro jam 8 esuk naliko aku lan bojoku reresik omah dumadakan dikagetake dening suoro ayam kang mentas soko angkrem…..ptok….kok….ptok…….

Hebat yo  ayam babon iku, demi sang buah hati  deweke rela angkrem njogo suhu ndoke supoyo iso netes kabeh. Deweke rela ngurangi mangan rela nahan HIV + E (Hasrat Ingin Vivis + Eek)  hehe...

Iku ayam, kang nota bene mung jalmo kewan. Opo maneh manungso kang dianugrahi akal lan fikiran kudune luwih duwur adab lan roso kamanungsane, sebab manungso iku den ciptakake dening Gusti Alloh kanti kahanan kang paling sampurno. Weh kok malah crito serius tow iki…..

Bali marang crito ayam wae yoo… pemirsa piye perasaan panjenengan yen ayam sing lagi mentas soko angkrem trus mlayu mlebu omah trus boker ning kono…… ambune….jiyan…..dahsyath pokokmen, koyo sing tak alami pemirsa….. temomo mbabit ayam mau.untung wae pri kehewananku isih jalan akhire ayam mau mung tak gusah. Sabanjure gelem ora gelem aku kudu ngresiki boker ayam mau……(atem tenand)

Lha naliko mbuang boker mau pemirsa pikiran kepoku langsung jalan, tuwuh pitakonan sajroning atiku nopo yo boker ayam ki kok ono putihe..? sedino…. rong ndino pitakonan mau tansah cumantol ono ing pikiranku haha….(emang rano liyane sing dipikir po…kok mikkir boker ayam).

Liyo dino maneh tanpo sengojo aku weruh boker cicak, kok yo ono putihe…… mergo penasaran sisan aku mbandingke macem-macem boker. Ndilalah ketemu boker tokek eeh…. Lha kok yo ono putihe, arep takon…takon sopo trus leh arep takon yo kepiye wong mung masalah boker….aku dalam dilema pemirsa haha….

Akhire nganggo jurus andalan sowan mbah google, ning kono mung entuk keterangan ciri manuk sing loro iku antaran bokere putih, iku disebabake saking kerepemanuk mau ngetokke urine kang kacampur ono ing kotoran.

Soko katerangan mau akhire aku duwe kesimpulan kenopo kok kotoran ayam,cicak lan tokek mau kok ono warna putihe yo amergo kotoran mau kecampuran urine sing akeh ngandut zat kapur lan urea, lha amargo kewan kang ngendok (Ovivar) iku saluran kotorane mung siji akhire antarane urin karo kotoran dadi siji iku kang ndadekake bokere ayam mambu ono putihe (iku analisa ngawurku)

Lha aku duwe usul gon pelajaran IPA kae bab sing nerangke ciri-cirine Hewan bertelur ditambahi yoiku :

1. Memiliki telinga yang tidak ada daun telinga
2. Tidak memiliki kelenjar mamae/susu karena tidakmenyusui
3. Beberapa hewan mengerami telurnya sampai menetas seperti ayam dan burung
4. Beberapa hewan tidak mengerami telurnya seperti cicak dan ikan… ditambah…
5. Bokernya MAMBU ada warna putihnya haha….jiyan ambunee…….

<----KEPO RAPOPO---- >

Masjid Baitul Makmur (Sejarah)

Tulisan iki ngemot sejarahe Masjid Baitul Makmur ( senajan mung setitik).

Sing moco postinganku sadurunge iseh podo kelingan tho ?, babagan Masjid Baitul Makmur. Ono ing kalodangan iki aku bakal nyejarahke Masjid Baitul Makmur.

Koyo sing wis tak tulis, Masjid Baitul Makmur iku manggone ono ing RT. 3/1 Traban, Repaking, Wonosamodro, Kabupaten Boyolali. Di gawe ono ing tahun 1923 den pandegani dening KH. Abdullah Sajad soko Rembes, Bringin Kabupaten Semarang.

KH. Abdullah Sajad iku mandegani madeke 3 Masjid yoiku Masjid Rembes (Kab. Semarang), Masjid Repaking (Boyolali) lan siji maneh Masjid Grogol, Kedungjati kab. Grobogan. Seko 3 Masjid mau Masjid Baitul Makmur sing paling gede

Perlu panjenengan mangerteni menowo ngarep masjid persis kiro-kiro 10 meter iku ono kali. Soko (cagak) lan bahan liyane kang kanggo ngadekake masjid mau dipundut seko pesarean Baloran wetan deso, amargo jaman biyen durung ono alat transportasi, kayu-kayu mau diangkut lewat kali, sawise kayu ditebang dirimbasi banjur dikelekke (dihanyutkan) lewat kali mau, nanging amargo kaline ora gede mulo anggone ngangkut kayu mau nunggu udan gede lan banjir.

Awat Kersaning Gusti Alloh pemirsa, kali kang maune lewat ngarep masjid saiki pindah udokoro 500 meteran nyigar (mbelah) dusun Candi, kalebu omahe mbahku mbiyen melu katerak kali, dusun Candi sing maune dadi siji saiki pisah dadi Candi lor lan Candi Kidul. Lha simbah pindah ono ing Dusun Traban yo omah sing tak panggoni saiki

Menowo ora percoyo panjenengan iso cek langsung ke TKP (Tempat Kejadian Pemisahan) hehe…..

Crito sitik bab KH Abdullah Sajad, miturut mbah Jini (sesepuh traban) panjenengane KH Abdullah Sajad dianugerahi karomah deneng Alloh SWT, naliko kuwi panjenengane rawuh ono acara kang manggon ono ing masjid Baitul Makmur, amargo acarane rodo akeh mulo acarane tekan sore, nyedaki maghrib acara bubar banjur panjenengane pamit. Naliko  kuwi mbah Jini ugo nderekake.

Sadurunge tindak mbah Jini matur, “punopo mboten jama’ah magrib riyen yi? Sampun jam setengah 6”

Panjenengane jawab “ ngko wae jama’ah ning Rembes”

Akhire rombongan seko rembes termasuk mbah Jini mangkat, miturut mbah Jini anggone mlaku yo biyasa wae soko Repaking tekan Rembes ning pranyoto tekan Rembes isih iso jamaah magrib. Dadi eling salah sawijine mukjizate kanjeng Nabi Muhammad SAW. Yoiki kanjeng nabi iku naliko tindakkan nitih onta  bumine nglempit (bumi melipat).

Imam masjid Baitul Makmur kang pisanan yoiku simbah Abdul Hannan, amargo daleme cerak karo masjid simbah dipasrahi ngimami masjid Baitul makmur. Simbah abdul hannan iku mbahku soko garis keturunan simbokku.

Crito sitik bab simbah Abdul Hannan, simbah iku ugo duwe keluwihan yoiku sabar, senadyan gagah pawakane (koyo aku……ya’e) nanging simbah iku ora seneng karo sing jenege padudon opo meneh nganti gelut. Nate sawijineng bwektu simbah ditantang gelut karo tonggone, nanging amargo sabar panjenengane jawab “ yo sik tak sarapan disik” ora amergo wedi ananging sifat sabar lan ora seneng memungsuhan.

Bab iku kok kayane yo nurun marang aku….,

aku ki yo nak diajak gelut mesti alesan wae…..

mung bedane, yen simbah iku sabar…

lha yen aku…..pancen wedinan tur kalahan yen gelut hahaha….

Sing terakhir aku tak matur saru.

Ono ing Masjid Baitul Makmur lagi dirintis perpustakaan masjid, nganti saiki jumlahe bukune isih minim banget, mulo lewat postinganku iki aku nyuwun bantuan informasi mbok menowo ono sing mangerteni piye carane golek bantuan buku (buku agama khususe) tulung aku diwenehi ngerti.

Utowo mbokmenowo pemirsa ono sing duwe buku sing wis ora nate diwoco amargo wis hafal isine lan pingin dihibahke aku siap nompo.

insyaAlloh dadi jariyah kang terus mili ganjarane....aamiin....

Iki alamat menowo panjenengan arep donasi buku
Masjid Baitul Makmur
Traban RT/RW 03/01, Repaking, Wonosegoro, Boyolali 
Jawa Tengah 

WISATA RELIGI

Panjenengan nate piknik pemirsa…?, mesti jawabane pernah….., ono sing pernah maring Jogja, Bandung, Bali, nganti keliling Indonesia. malah mbokmenowo ono sing nganti tekan monco negoro…. Mulyo urep panjenengan pemirsa….
Bedo karo aku, ora tau piknik…. Ojo meneh kok piknik, arep dolan menyang Salatiga wae ngenteni yen ono wong di opname ning rumah sakit, dadi tilik wong loro (sakit) ngiras-ngirus karo dolan hahaha……., jiyan…. Kebangeten….

Panjenengan perso brotowali utowo isi mahoni… rasane piye pemirsa….? Pait tow ???
Ananging kanggoku paite brotowali utowo isi mahoni ora sepirakno dibanding paite urepku sing ora nate piknik hahahaha…… (Just kiddin’ pemirsa “URIP KUDU BERSYUKUR”)
Akhir-akhir iki lagi ngetrend piknik ono ing panggonan ibadah lan pesarean, tujuane yo jeng-jeng ngilangake stres amargo kesibukan utowo rutinitas saben dinone ngiras-ngirus karo ngibadah. Umpamane menyang masjid agung Demak, majid kubah emas Bogor, masjid agung Semarang karo dolan-dolan iso sinambi sholat jama’ah ono ing kono
Trus umpamane ning pesarean wali songo, pesarean Pangeran Diponegoro lan liya-liyane sinambi dolan-dolan iso karo ngeling-eling budi pekerti lan ‘alim e poro leluhur umat islam mau awake dewe iso niru lan sing paling penting ngelingi yen bakale besuk awake dewe ugo bakal nyusul mati.
Ojo malah salah niat ono ing pesarean malah njaluk karo sing dikubur, salah gede kuwi pemirsa, iso-iso malah dadi musrik, kudune awake dewe sing njalukke ngapuro wong sing wis sedo marang Gusti Alloh karben awake dewe kagolong anak kang sholeh kang gelem ndongakake marang wong tuo.
Dari Abu Hurairah r.a. bahawa Nabi Muhammad s.a.w bersabda: "Apabila seorang anak Adam mati putuslah amalnya kecuali tiga perkara : sedekah jariah,atau ilmu yang memberi manfaat kepada orang lain atau anak yang soleh yang berdoa untuknya."
(Hadith Sahih - Riwayat Muslim dan lain-lainnya)
Mbalik marang wisata religi, ngisor iki foto Masjid sing asring tak kunjungi naliko aku wisata religi…. Manggone ono ing RT 3/1 Traban, Repaking, Wonosegoro Kab. Boyolali…..
Lha kwi kan desomu tow lek……… hahaha…..
Kandiani og…. Aku ki jan ora tau piknik pemirsa…. Puas…!!!!!
Seneng yen ono koncone susah.....!!!!