Galonku Wis Ora Jomblo Maneh

Bodo kurang sedino alias poso terakhir aku lan bojoku lungo menyang Bancak, ancas tujuanku nggolekke pasangan galonku. Mesakke pemirsa galonku ki wis udokoro 3x puasa 3x lebaran jomblo ora duwe pasangan.

.Soko toko siji mlebu toko liyane durung ono sing sreg, arep tak pasangke karo dispenser biasa nanging bojoku luwih seneng masak banyu dewe tinimbang tuku isi ulang (luwih irit mergo masake nganggo kayu). Arep tak gatuki dispenser sing iso hot n cool wis ono termos lan almari es, akhire aku nemu pasangan kang pas kanggo galonku yoiku pompa galon.

Pangapurane yo galon aku egois, tujuanku mung supoyo sliramu luwih manfaat

Yen ditawani mbok menowo sliramu bakal milih dispenser hot n cool (luwih keren),

 Nanging mangertio manfaat hot wis diwakili termos lan manfaat cool wis diwakili almari es, tak kiro yen awakmu mekso karo pilihanmu aku yakin manfaatmu dadi kurang.

Jodoh lan pegawean ki kayane yo meh podo ngunu kuwi....haha....mekso :D

"Ora kudu njaluk karo sopo, njalok dadi opo supoyo manfaat kanggo sepodo-podo, maksimalke posisine awake dewe saiki supoyo manfaat kanggo wong liyo iku luwih prayogo"

TRESNO GOMBAL MUKIYO

Nalikane sliramu tumeko
Aku banjur kondo yen aku tresno
Sanadyan isih kagolong tresno gombal mukiyo
Sepuluh dino sesrawungan
Sliramu  paring rohmah tan kurang
Nanging tresnaku isih tresno gombal mukiyo
Rongpuluh dino wus keliwat
Janji maghfiroh tan kendat
Nanging tresnaku isih tresno gombal mukiyo
Dino sabanjure
Katresnanmu sansoyo gedhe
Nanging tresnaku isih tresno gombal mukiyo
Nganti tekan titi wancine sliramu bakal lungo
Aku nembe sadar lan kroso
Jebul tresnaku mung tresno gombal mukiyo
Duh....Gusti..., Panjenengan pangapuro
Kawulo engkang duro
Ngucap tresno
Tresno gombal mukiyo
Nadyan kados mekaten Gusti...
Panjenengan keparengaken
Pinanggih malih
Wulan "ROMADLON"

Loji Traban, akhir romadlon

Tekuk -tekukan

Pemirsa....betheken aku lagi gawe opo....

Bahane, Siapno kertas buku sak lembar.

Coro gawene, tekuk simetris pinggir kiwo lan tengen, sabanjure tekukan mau di tekuk maneh ning ngisor bertikal karo tekukan pertama.

Sabanjure tekuk maneh koyo langkah pertama ning di gawe sudut kiro kiro 80 nganti 85 drajat sainggo bagian ngisor kang lancip turah, turahan mau banjur di tekuk kanggo ngancing tekukan nomer 2.

Sabanjure tekukan kang wus dikancing mau ditekuk maneh horisontal dadi loro, sabanjure saben2 tekukan mau ditekuk mane mlebu.....dadi dech..... haha... :D, mesti bingung wong lehku nerangke ora jelas.

Yen isih bingung iki clue (petunjuk) sabanjure :
Carane migunakake dolanan mau kanti coro d cekel pengancing mau trus diuncalke maju ben mabur, ojo lali sadurunge diburke di sebul disik bagian ngarep sing lancip nganggo abab nogo sampean haha....sansoyo dahsyat abab nogo sampeyan sansoyo apik mabure (ya'e) hehehe...
Piye mas ...mba'.... isih rung paham?

Satemene aku lagi gawe manuk manukan soko kertas, dolanane bocoh cilik turun temurun

Mung sing dadi pitakonku jan jane tujuan nyebul bagian kang lancip sakdurunge diburke ki opo yo?

Ayo dho jethungan meneh

Ayo dho sodor meneh

Ayo dho benteng bentengan meneh

Ayo dho setinan meneh

Ayo dho sudahmanda meneh

Ayo...Ayo.... Ayo......