Al fiil, An naml, An nahl mirurut "aku"

Ing antarane jeneng surat ono ing Al Qur'an, ono 3 surat kang jenenge nganggo jeneng jalmo kewan.

3 surat mau yoiku :
1. Surat Al fiil (Gajah)
2. Surat An naml (Semut)
3. Surat An nahl (Tawon Madu )

Al fiil (Gajah)
Surat iki isine sejarah pasukan gajah e rojo abrahah kang nduweni niat ngrubuhke ka'bah, ananging gagal mung kerono manuk ababil kang nggowo krikil soko genine neroko.

Pasukan abrahah kang gagah, sejoto lengkap, kendarakane gajah (ora ono kewan kang gede lan gagahe ngungkuli gajah), ewo semono kalah mung karo manuk ababil kang gedene karo kupinge gajah kalah gede

Kesimpulanku
1. Ojo sombong
2. Ora ono kang mokal mungguhing Gusti Alloh.

An naml (Semut)
Semut iku sawijining kewan kang uripe nglompok, kang ing kono wus ono tatanan kang gumathok.
Ono rojone, ono prajurit jogo, ono prajurit pekerja kang kabeh guyup tumindak miturut tugase dewe dewe, ora ijer lan ora iren.

Sing agawe gumun....semut iku saben ketemu konco mesti mandek sedelok (Jarene sih salaman lan "say hallo" hehe...)

Lan sing gawe aku gumun meneh.....sak jek jumbleg urung tau krungu ono semut tawuran haha...

An nahl (Tawon)
Eling dawuhe da'i sejuta umat KH. Zaenuddin MZ. Tawon iku duweni keistimewaan sifat kang biso dadi tepo tulodo kanggo wong kang iman (Mukmin).

Sifat mau yoiku :
1. Tawon iku kang di pangan sari patining kembang.
Dadi wong mukmin kudune yo koyo mangkono, dihajar ugo kudu dedaharan kang resik lan halal  (Halaman toyiban).

2. Tawon iku kang den hasilake arupo madu.
Dadi wong mukmin iku kabeh tumindake, pangandika lan amalane  iso koyo madu (Manis lan nyehatake awak)

3. Tawon iku menclok ono ngendi wae,arang banget nyebabake pang lan gegodongan tugel..
Wong Mukmin iku ono ing sadengah papan ora nate nyebabake panggonan mau dadi rusuh lan ora tentrem, justru sewalike kudu iso dadi tepo tulodho kanggo wong liyo.

4. Tawon iku yen ora di ganggu yo ora bakal ngrusuhi. Sakswene uripku aku yo durung nate ono tawon iseng menyang pasar njur ngentupi bakul hehe....ananging ojo pisan pisan sampean ngganggu tawon, sepisan wae tawon d ganggu... lha mbok tekan pucuke jagad bakal di buru.

Wong mukmin iku dudu biyang masalah, ananging yen ono masalah ugo ora menghindar

"MUSUH JANGAN DI CARI KETEMU MUSUH JANGAN LARI"

Sinau soko pelajaran Geografi SMP

Yen ora kliru dumadine awan lan bengi iku kerono mubenge bumi klawan sumbune, sakelingku ngunu kuwi naliko pelajaran Geografi SMP.

Awan (padang) iku yen diibaratke identik karo kahanan kang sarwo nyenengake, gambaran suko renaning roso, gambaran tumindak becik.

Kosokbaline bengi (peteng) iku identik karo kahanan kang sarwo rekososo, medeni, gambaran roso sarwo susah, supek, gambaran tumindak ora becik kebak angkoro.

Srengenge tan kendat sumunar paring cahyo marang bumi, agawe kahanan dadi padang nyenengake, agawe suko renaning penggalih kang mapan ono ing bumi mau

Naliko bumi mboko setitik mubeng, swasono kang maune sarwo endah katutup dening petenge bengi kang sarwo medeni, susah, supek lan rekoso

Semono ugo......

Nur (cahyone) Gusti Alloh tansah sumunar madangi saben saben atine manungso, saenggo uripe manungso mau dadi sarwo endah, tumindak sarwo becik.

Emane amargo tingkah polahe manungso dewe kang mboko setitik ninggalake hidayah lan pituduh bener soko Gusti Alloh andadekake petenge ati manungso mau, urip dadi ora teratur, pikiran tansah peteng lan sumpek kang tundone anjalari saben tumindake ugo dadi ora bener, sarwo ora becik lan kebak angkoro.


"Robbana laatuzikhquluubana ba'da idzhadaitanaa wahablanaa miladunka rohmah innaka antalwahhaab"