Kenangan Rowo Pening

       Pemirsa sampean nate opo ora ngrasakake dadi penunggu wit-witan njur di pujo-pujo wong nganti koyo demit?,  aku pernah pemirsa senadyan ora sengojo. Critane ngene pemirsa......, naliko kuwi aku karo konco-koncoku group mancing (rasah ta sbutne yow haha..) mancing ono ing rowo pening. aku ngroso yen mancing kuwi nyandoni (bikin ketagihan). Sensasi pancing naliko digondol iwak mak rregg... kwi tansah cumanthol ono ing pikiran yen dibandingke karo sensasine nyawang ayune angelina jolie aku tetep pilih mancing hahaha..
        Tekan rowo pening langsung podo mlencar golek panggonan dewe-dewe, biasane angger salah siji entuk mesti njur dipamrke marang liyane. Aku milih panggonan ngisor wit pring sing adem amrgo naliko mangkat lali ora sun blockan haha.. (gayamu nda). Pancing tak set tak wenehi umpan tak cemplungne ning banyu. tak tunggu 5 menit..., 10 menit.., 20 menit.. eh durung dipangan...sabar.. 
Karo nunggu aku dadi liyer-liyer ngantuk pemirsa, durung ngasi sido mripatku merem dumadakan soko mburi wit pring ono suworo.... mbah...putumu kerjo golek pangan ono kene kene.. direwangi yo mbah.. paringi lancar.. .
Aku kaget pemirsa alon-alon aku ngintip soko sela-selane wit pring, jebul ono wong nyelehake sajen ingkung, gedang rojo selirang (ayu2 gedange) karo degan ijo, batinku....kakekane....... ateemm..,,, tenand...... aku dianggep demit sing nunggu rowo pening ig...

Ealah..... wis jaman padang ngene kok yo isih ono kepercayaan animisme lan dinamisme...
Nanging aku rodo gelo pemirsa ngopo pas wonge ngomong ngono ora tak jawab sisan "yoo..sesuk meneh sajene duwit wae yo ben iso tak nggo tuku joran pancing anyar hahaha....."  ya'e langsung dibalang watu yo hihi........

 

“Sesungguhnya Kami telah mengutus Nuh kepada kaumnya lalu ia berkata: “Wahai kaumku sembahlah Allah, sekali-kali tak ada Tuhan bagimu selain-Nya.” Sesungguhnya (kalau kamu tidak menyembah Allah), aku takut kamu akan ditimpa azab hari yang besar (kiamat).” (QS al-A’raf: 59).

ALMANAK / TANGGALAN

Gambar 1


         Duit 10.000 karben cukup kanggo setahun sing pas ditukokne upu pemirsa….? Bener… ditukokne Tanggalan/Kalender, mesti pas kanggo setahun haha......., Lumprahe ngono saben omah cukup duwe tanggalan siji, amargo dino lan tanggal iku antarane tanggalan siji lan sijine wis mesti podo.
Sampean nate perso tanggalan sing bedo…?
Umpamane tanggalan sing siji tanggal 1 Oktobere dino Senin tanggalan liyane 1 Oktobere dino Seloso…? Tak kiro ora ono. Nanging yo sah-sah wae yen sak omah duwe tanggalan luwih soko siji asal ojo nganti boros (jare boros ki koncone setan).
Ngomahku yo ono tanggalan pemirsa, jumlahe ono 2. sing siji tanggalan hadiah lha sing siji tuku dewe (aku ora boros lho…wong sing siji hadiah). Tanggalan loro mau Tak bandingke kiro-kiro rong minggu,nyatane yo ora tau geseh babar blazt… akhire aku mantep loro-lorone tak enggo pemirsa whahaha…

        Saben tahun bapakku mesti kongkon aku supoyo tuku tanggalan, anehe mesti njaluk tanggalan cetakane Menoro Kudus (kondang kasebut AMK = Almanak Menara Kudus) , awale tak anggep biasa, paling yo mergo wong wis sepuh, njaluk tanggalan soko menoro kudus yo lumrah, amergo ciri khas tanggalan menoro kudus kuwi koco ngarep gambar Masjid Agung Menoro Kudus trus koco-koco sabanjure gambar masji-masjid terkenal sak Indonesiadadi yo lumrah, ora mungkin tow wong sepuh pilih tanggalan sing gambare artis-artis GGS…. OMG hello… (Edisi nonton TV kalah karo bojo lan keponakan hadeh…).
        Suwe-suwe aku dadi kepingin ngerti pemirsa, akhire aku takon marang bapak......
Pak…sejatosipun punopo tow istimewanipun tanggalan cetakan Menoro Kudus niku..? kok saben-saben kengkenan kulo tumbas tanggalan kedah cetakan Menoro Kudus.......,
Mangertio le.. anakku, Kalender Menoro kudus iku awale sing nyusun KH Turaichan adjhuri es sarofi putro turune Sunan kudus. Lha ono ing tanggalan cetakan Menoro Kudus iku dilengkapi etung-etungan (khisab) penanggalan hijriyah, saenggo awake dewe iso mangerteni kapan tibone tanggal siji saben wulan penanggalan Hijriyah.
          Owh iyo pemirsa, lagi eling aku tulisan ing sakmburine tanggalan kae jebul etung-etungan penanggalan Hijriyah, malah ono etungan posisi srengenge lan rembulan barang, nganti kapan bakal ono gerhana srengenge utowo rembulan ugo wis diprediksi. Lan ngendikane bapak ora tau mpleset.


Gambar 2

           Isih ono hubungane karo tanggalan, foto kuwi tak jikuk naliko ning kudus saperlu tilik bocah prakerin/praktek kerja industri (kiro-kiro wulan maret). Sarombongan aku, pak saryanto, bu wiwin lan bocah-prakerin Mampir simpang lima kudus mlebu wisata kuliner, aku nate krungu jare kudus iku masakan sing terkenal soto kebo…, jbul tenan mlebu sajroning kawasan kuliner jentrek-jentrek warung makan kabeh duwe menu soto kebo.
          Sawetoro ngematke warung makan kang akueeh… biyanget… akhire pak saryanto milih warunge Pak H.Sulichan,ono tulisan PindSot (pindang Soto).Menu andalane pindang ayam,soto ayam lan ora ketinggalan Soto Kebo. Kabeh pesen soto kebo kejobo bu wiwin milih soto ayam.
Ora usah tak critani rasane soto kebo pemirsa (mundak pengin hehe..) cobo waspadakno warunge pemirsa…kebak tanggalan, nak 25 wae punjul pemirsa lan tak matke kabeh tanggalan 2014,
Pikiran kotorku langsung bekerja pemirsa mbok menowo pak sulichan yo lagi penelitian mbandingke 25 tanggalan mau podo opo ora whahaha…,
         Aku mikir kiro-kiro butuh sak jam dewe kanggo ngganti tanggalan yen pas ganti wulan… Opo maksudmu pak sulichan masang tanggalan sakmono akehe…?, mung pak sulichan lan Gusti sing pirso whahaha..

SUSU MURNI

Tuilisan iku mujudake salah sawijine bentuk komunikasi. Mediane iso wujud Surat/layang, brosur, hand phone, socmed lan liya-liyane kalebu Reklame. Reklame yoiku media iklan kang gede kang biasane dipanggonake ono ing area kang asring diliwati wong, koyo tho ing pinggir prapatan dalan gede kang rame. Reklame asal tembunge soko tembung re-clamare (bahasa Latin: Re=dibolan-baleni, clamare=ajakan) jare mbah gugel ngunu kuwi.

Reklame iku isine iklan kang tujuane supoyo disawang wong kang mlaku ono dalan utowo wong kang nitih sepeda motor utowo mobil kang lewat. Reklame umume isine ilustrasi kang gede lan ono slogane. Kanggo narik kawigaten khalayak umum iklan iku biyasane gambar ilustrasine gede, tulisan slogane simpel lan gampang dieling-eling. Kadang ono ugo kanti coro nganggo tetembungan kang lucu, terkadang malah ngawur koyo gambar ing ngisor iki hehe….

Gambar kuwi sing gawe aku, nanging tetembungane tak jikuk soko reklame sing nate tak woco naliko perjalanan menyang solo, ono ing pinggir dalan boyolali-solo ono reklame tulisane :
“ORIGINAL MILK CROCODILE FORGET” 
Langsung Ngakak aku pemirsa…. (sayang ra gowo camera). Mbok menowo maksudte sing gawe tulisan artine “SUSU MURNI BOYOLALI”
Jan marai ngakak sumpah… ahahaha …..

Aku Wong Boyolali lho..........