MUSIM UDAN = LISTRIK MATI

MUSIM UDAN = LISTRIK MATI

Siji… loro… telu..

Aku lagi ngitung lampu senter ning omahku  pemirsa, kiro-kiro nek ora salah jumlahe ono 5, jumlah sing menurutku fantastis mergo senter 5 mau anggone tuku let e ora pati suwe. Ono sing telung wulan rusak, rong wulan rusak malah ono sing lagi rong minggu di charge ping pindo wis rusak.

Jroning batinku nggrundel pemirsa …. Dasar produk cino…!!! (sinetron meneh..hehe..)

Siji… loro… telu…

Aku lagi ngitung lampu TL sing mati ono ing omahku, akeh banget ono sing merek abal-abal ono sing berkualitas, regone bedo, mulo awete yo bedo-bedo,  wajar.

Jroning atiku tetep pengin nggrundel pemirsa… Dasar lampu..!! biyasane ora mati kok mati..!! ( ra nyambung tow pemirsa), pancen pawakan tukang nggrundel, opo wae senadyan wis wajar lan bener yo isih di grundeli haha..

Siji… loro… telu…

Aku lagi ngitung batre bekas remot TV, batre jam dinding, akeh banget lan wis ora kanggo

Jroning atiku tetep wae nggrundel pemirsa… Dasar barang bekas..!! ngebak-ngebaki nggon wae..!!

Padahal yen barang bekas mau iso ngomong mesti bakal ngomong  “Dasar manungso… habis manis bekas dibuang hehe.., mulo ojo seneng ngrundel pemirsa, becik diomongke, dirembug karben nemu solusine. (halah…nguomong….uooopppooo… sok-sokan ).

Siji… loro.. telu…

Aku lagi mikir pemirsa (ora dho percoyo mesti yen aku iso mikir haha…atem..atem..), aku lagi mikir piye carane supoyo barang-barang mau ora langsung dibuang kabeh ning iso tak manfaatke (recycle).

Ananging jebule bener sampean pemirsa… aku ora iso mikir hahaha…. Banjur aku silaturrahim nggone mbah google.

Berkahe silaturrahim pemirsa aku diwenehi rangkaian sing jenenge JT (Joule Thief/Pencuri Energi), senadyan jenenge ono unsur curi-mencuri alias maling tapi tak jamin 100 % halal hehe..

Rangkaiane wujud rangkaian lampu nganggo LED, sederhana mung butuh lilitan toroide siji, transistor siji resistor siji lan lampu LED sing empan putih jumlahe monggo kerso.

Awale aku rodo kangelan gawe lilitan toroidte pemirsa…

Tak undangke pak Tarno “ tolong di bantu ya… bim salabim jadi apa prok… prok…prok…” (ora dadi)

Tak undangke Harry potter “Furnunculus… furnunculus…” (oradadi) malah jerawatku tambah akeh, sing diwoco jebule mantra penumbuh bisul… atem.. tenand...

Tak undangke Masha “Focus… focus… trulala…. “ (ora dadi)

Tak jarke wae pemirsa… tak piker karo makani kelinci

Bismillah tak baleni meneh, toroide tak wenehi lilitan 8 lilit + 8 lilit akhire dadi, lumayan gawe lampu darurat (emergency), kanggo obor gantine lilin naliko LISTRIK MATI lan tak jamin awet, cukup nganggo batre bekas remot utowo batre bekas jam dinding wis iso empan(nyala) amergo lampu LED iku mung butuh tegangan 0,3 Volt. Kabeh komponen jikuk soko bekas lampu Hemat energi

Hasile koyo foto iki pemirsa, 

sing pingin gawe ananging durung jelas njenengan kirim layang mesti tak bales layang njenengan, opo meneh yen nganggo kertas wangi haha…