WONG LALI ORA KELINGAN

Crito iki aktore bapakku karo pakdeku
judule :" WONG LALI ORA KELINGAN"
Koyo biyasane bubar ngimami neng mushola bapak karo pakde jagongan ono teras mushola ngenteni sholat Isya'.
Lagi asyik ngobrol dumadakan listrike mati pet.... spontan bapak njupuk korek banjur diempake kahanan dadi rodo padang seko cahaya koreke bapak.
ning anehe bapak malah tindakan mubeng karo ngobahke koreke sajak koyo nggoleki sesuatu.
Pakdeku banjur takon.

Pakde : golekki opo kok sajak bingung
Bapak : korekku mau ning ndi yo kang, arep tak gawe nyumet lampu teplok
Pakde : lha sing muk gawe ngobori kwi opo? (Karo kepingkel-pingkel)
Bapak : MasyaAlloh..........Wong ki nak wis S2
Pakde : Opo kwi S2 (isih karo ngguyu)
Bapak : Sampun Sepuh
Pakde : Hahaha....
bapak.....bapak......... korek sampun didamel ngobori kok taksih dipadosi

NING KALI GOWO PANCINGAN
WONG LALI ORA KELINGAN

SAFETY RIDING

Sawijiningdino mulih soko pelatihan jam 5 sore, numpak motor nyedaki wayah maghrib kahanan bubar udan nglewati dalan kang kiwo tengene sawah.
Aku dadi berimajinasi.........., mbayangke koyo numpak pesawat luar angkasa, kewan-kewan cilik sing podo mabur prasasat koyo lintang lan planet-planet. Soko kadohan aku weruh wewujudan ireng kang nggegirisi, sikile wolu, nduweni tlale lan motone mencorong.
Jroning pikiranku takon, opo iki sing jenenge monster luar angkoso?. Sansoyo suwe......, sansoyo cedak......, sansoyo gede....sansoyo gegirisi...sansoyo....ceplak...(aseemb...tenaand...mripatku kelilipen monster luar angkasa). Horor tow hagaga...

Menurut Fico juara 2 SUCI 3 wong kelilipen kuwi garis takdire kuat banget alesane
1. Rai sakmene ombone ono pipi, irung, pipi ananging kenopo sing keno mripat
2. Klilipen kwi timing e kudu pas, telat sak detik wae iso keno irung opo pipi.

Menurutku ora mung klilipen, kabeh kang dumadi ono ing donyo iki kabe wis tinakdir. Bayangno yen wektu ning ndoyo iki di ndek 1 menit wae dening Gusti Alloh, kabeh dadi kacau, tanduran sing kudune tukul ora sido, udan sing tumibo ora sido, angin mandek, ombak melu mandek, yen ono sing lagi pipis metu separo njur mandek (ijab koyo opo rasane) haha...
Kabeh tatanan RUSAK

Mulo pesenku "YEN NUMPAK MOTOR KOCO HELM e DITUTUP" ben ora kelilipen...
Hahaha.....Ra nyambung blazt....

"YO BEN"

DILEMA

Mapan turu karo mengkhisab diri, eling jaman cilik asring gawe dukone simbok. Pangapuntene nggih mbok..;-(
Salah sawijine sing marai dukone simbokku yoiku yen aku adus gebyuran ono ing kali kulon omahku, maklum omahku KAMSOLI SORPRING (KAMpung ndeSO Pinggir kaLI ngiSOR PRING) hehe....
Koyo wektu kuwi, aku lan konco-konco lagi podo adus gebyuran ono kali, ssttt...ora klamben sisan hehe... (yo ra popo.... wong cah cilik-cilik owg).
Rame pemirsa....ono sing latihan koprol, ono sing betah-betahanan nyilem (nahan ambekan ning jero banyu) ono sing sirat-siratan banyu, ono sing dolanan pasir ning pinggiran
Saking senenge nganti aku ora mangerteni jebul mbokku wis ning pinggir kali karo nyekel carang pring, mbokku njur ngendiko "as....!! bali pora....!! Nduwur mendung kae lho.. Banjir ngko..!!
Aku sing lagi lelangen ono tengah kedung cepet-cepet nglangi minggir karo nangis (gembeng aku yo.....hehe) amergo pancen aku wedi yen duwe salah marang simbok
Jroning pikirku, wah mesti bakal di sabeti iki, aku pasrah karo sansoyo banter anggonku nangis.
Sakwuse tekan ngarepe simbok.... carang pring kang di asto simbok langsung... di dudul-dudulke ono ing wetengku nganti aku dadi geli...
Aku dadi bingung pemirsa, kudu nangis mergo wedi karo simbok opo kudu ngguyu amergo geli didudul-dudul wetengku nganggo carang pring haha.....
Sumpah mas..mba'... "SAAT ITU AKU DALAM DILEMA" hehe..

"Hormatilah ibumu kemudian ibumu kemudian ibumu kemudian bapakmu"

DIAM ITU EMAS

Ono paribasan diam itu emas, mbok menewo yo ono benere, ananging kadang-kadang meneng iku yo pahit... koyo sing ta' alami.
Mulih soko kerjo weteng kroso ngelih target utama langsung ning pawon, njukuk piring karo sendok, tanduk sego banjur mangan. maklum pemirsa mbien isih bujang opo-opo dewe, mangan njukuk dewe, ngumbahi dewe turu yo dewe ibarate " Hidup Terasa Kaku Seperti Angka 1" ning alhamdulillah aku duwe simbok sing sayang banget karo aku. nadyan mangan njupuk dewe nanging masakan wus dimasakke simbok (Luph You mBok....)
Bali ning manganku, kadung wis ngelih anggonku mangan yo semangat, nanging suwe-suwe tak rasakke kok masakane anyep, ra ono rasane blazt...., 
Wektu kuwi mbokku masak sanyur gori, nanging wis kadung ngelih yowis tak pangan ngono wae.. 
Aku eling Nabi wae ora duko naliko aisyah gawe unjukan kliru uyah, opo meneh iki masakane mbokku, kleru gede yen aku nganti nesu, mulo aku yo meneng wae...
ora let suwe mbokku mlebu njur takon
mbokku    : wis mangan le (karo babalas tindak pawon)
aku           : mpun mbok
mbokku    : Lha kuk jangan tahu ning pawon kuk isih utuh....

Perasaanku mulai ora penak pemirsa..............
simbok neruske takon.. 
mbokku  :Mangan karo opo kwe mau ?
aku         : kalian jangan gori
mbokku  : hahaha..... bocah gendeng... jangan gori lagi dihalub-halubi tok kuk di pangan yo ra unu rasane, mulane suk meneh ki takon-takon ora meneng wae
Tenand tow pemirsa... kaet mau perasaanku wis ra kepenak.... jebul arep mangan gori godog... meneng.. ki.. pait...
so... "Diam itu emas.... tapi kadang pait haha.....

Sing Jelas Bener iki :
"FALYAQUL KHOIRO AU YASMUT"
Berkatalah yang baik atau (kalau tidak bisa) lebih baik diam (penggalan hadist bukhori muslim).

COMBUSTION CHAMBER

Dino senin 29 September mlebu ruang kelas XI TKR4 amargo jogo mid semester, mlebu lawang katon tulisan guede..bianget..(saking gedene hehe..) ono ing tembok. Surasane tulisan yoiku “COMBUSTION CHAMBER”
Jroning ati langsung tuwuh pitakonan opo iki artine…?, Maklum pemirsa wong ndeso pakanane telo ora iso Bahasa inggris.
Akhire aku dadi galau pemirsa amargo sakjurus sakwuse kuwi aku wus kajebak ono sajroning DILEMA (halah…hehe....).
Tenand pemirsa dilema antarane kudu takon marang bocah-bocah opo artine (taruhane diece bocah-bocah, mosok pak guru kuk ora reti),
Opo pilih meneng tak pendem sajroning ati (taruhane tukul kukul/jerawat ning pucuk irungku hehe......)

Perlu panjenengan mangerteni pemirsa saiki jerawatku wis ora ono…… (ora ono panggonane maksudte.. alias roto... haha… atem... atem...)
Tak piker... tak timbang... Akhire tak putuske milih opsi nomer siji pemirsa.
Tekadku ora masalah diarani bocah-bocah, isin paling yo sedelok (opo meneh aku yo wis duwe modal, sering mangan jangan rebung/bambu muda)
Dari pada aku kudu nggolekke panggonan kanggo jerawat haha….
Kanti modal “Rai Gedek Ndas tank” akhire aku takon : artine opo kwi cah...combustion chamber?
Kanti rodo kawatir aku nunggu jawaban…
Kompak bocah-bocah jawab "Ruang Pembakaran pak...",  lego atiku jebol yo ora ono sing ngece aku. Mugo-mugo ora amergo wedi ning amergo budi pekertine bocah sing ngerti adab marang guru.
Tuwuh maneh pitakonan sajroning atiku (kepo rapopo), mobil kuwi bagiane pirang-pirang... ning kenopo bocah kelas XI TKR1 milih tembung combustion chamber (ruang pembakaran).
Sepisan meneh aku takon marang bocah-bocah (saiki tanpo beban), lha kenopo kuk milih tembung iku? Sebabe opo cah..? ono sing jawab ruangane sumuk pak.., sesuai iklim Bancak pak.. lan liya-liyane.
Ono salah sawijine jawaban sing ndadekake aku bungah nandyan nganggo tak pancing disik, ruang pembakaran ki berarti sing ngasilake tenaga kanggo mobil cah..?
Leres pak… maksudte nggih niku, kelas niki dados ruang pembakaran kangge kulo lan konco-konco supados mangkih lulus kulo sakonco mpun nggadahi tenaga alias siap kerja.
Bener cah seneng aku yen awakmu kabeh duwe pikiran koyo mangkono, anggepen sekolah iki koyo kawah condrodimuko sing kanggo mbakar Raden Wisanggeni (putrone Raden Arjuno),
Raden Wisanggeni naliko isih cilik dijegurke ono ing kawah condrodimuko dening mbahe ora mati ananging malah dadi dewoso lan sekti mondroguno
Bocah-bocah jawab kanti kompak "nggih pak……"
Wis ndang dikerjakke mid semestere
Nggih pak…angsal nyontek pak...
Nyontek mbiahmu kipper kuwi….hehehe....

DUNIA MALAM

Wis dadi jamak lumprahe yen wong wis berumah tangga iku yo kudu melu andil ono ing masyarakat, opo wae kegiatan kang ono ing masyarakat kudu melu. Semono ugo aku, sakwise aku duwe kaluargo aku ugo melu kabeh kegiatan kang ono ing RT ku wiwit soko parepatan kang dianakake selapan pisan, yasinan, gugur gunung (kerja bakti) nganti jogo bengi utowo ronda.
Amargo jogo bengi kuwi pemirsa aku dadi kenal Dunia Malam haha… maksudku suasono bengi ono ing padesan lho… dudu Dunia Malam kang kadang asring kasebut DUGEM, padahal jaman enom arang banget metu bengi, nganti di arani cah enom ora gaul (emange gaul ki ukurane dolan bengi pow…!!!...batinku)
Tak akoni pemirsa pancen aku arang banget metu bengi ngumpul karo konco-konco, ora amargo kemaki utowo sok suci ananging aku tansah kelingan pesene bang Rhoma “Jangan begadang kalo tidak ada perlunya” haha…
Lan sejatine aku duwe coro dewe kanggo begadang yoiku ngebrik (chating lewat radio) tinimbang metu bengi (podo wae jane… manfaate sitik hehe..)
Roto-roto wong langsung mbiji elek opo wae kang magayutan karo Dunia Malam, padahal yo ora kabeh, menurutku sakwuse aku njegur ono ing Dunia Malam (Jogo bengi/Ronda) lan tak teliti luwih jero…halah….hehe… Dunia Malam iku isine kaperang dadi 3
1. Dunia Malam Positif
Yoiku dunia malam sing diisi perkoro kang becik koyo tho: Tahlilan, sholat tahajut, dzikir utowo jejagongan kang ing kono sing dirembug bab-babkang positif.
(sing ngunu kuwi yo ono)
2. Dunia Malam Negatif
Yoiku dunia malam kang diisi perkoro kang olo koyo tow :mabuk, main, madon…pokoke mo limo lah ugo kalebu jejagongan ananging kang dirembuk perkoro kang negative lan ora manfaat.
(sing ngunu kuwi yoono)
3. Sing nomer 3 angel leh ku arep ngarani pemirsa, aku njaluk tulung njenengan…, apike diarani opo sing nomer 3 iki sakwise tak critani pengalamanku….
Ngene pemirsa :
Sawijining bengi aku kejatah jogo bengi (Ronda) pemirsa, koyo biyasane aku mangkat jam 21.00 WIB menyang Pos Ronda. Tekan pos ronda partnerku wis stand by ning kono nonton TV karo ngopi… tasih sepi lek..? iyo kadingaren bocah-bocah durung kumpul. Ora let suwe teko wong 1 njur takon isih sepimen ki ayo sekak wae lek….(karo mbukak kotak sekak) kahanan dadi sepi meneh mergo sakloron wus serius main sekak, aku milih nonton TV mergo ora pati iso sekak.
Udokoro setengah jam banjur teko nom-noman 5 lan kanti basa-basi pitakon, wah rame men, ono bal-balan opo ora lek ? ora ono (jawabku cekak aos), salah sijine nom-noman banjur ngomong … ayo ndang anyak… langsung wong 4 njukuk posisi njagong mubeng adep-adepan.
Sak jurus sakwise kuwi wong papat mau wis nyekel kertu Domino haha… katone rukun wong papat njagong adep-adepan ning mangertio sejatine batine mesti mangkel, jengkel lan mikir piye carane supoyo menang kanti coro opo wae kalebu coro curang (yo koyo ngunu kuwi main/judi)
Wis jamak lumprahe yen ono kalangan (lungguh mubeng) main/judi suoro misuh ki wis biyasa koyo tho kakekane, lhaduk lan liya-liyane.
Isih karo nonton TV, lamat-lamat campur karo suorone TV aku krungu pangucap Astaghfirullah…,bola-bali tak mat-matke jebule yo soko kalangan cah dho main mau, ono salah sijine peserta angger nibakake kertu Domino karo istighfar, spontan aku ngguyu karo ngomong” dapurmu le... le... main kuk karo istighfar” jawabe opo jal…… ngagetke tenand pemirsa...
"lha kalah owg lek…."
Wkwkwk… tak kiro istighfar wedi dosa jebule mergo kalah….
Dunia Malam ngunu kuwi dijenengi upu jal pemirsa?

"Begadang boleh saja asal ada bang Rhoma"

PELURU KENDALI

Pemirsa, panjenengan kabeh nate maos utowo mireng critone wong kang wuto (buta) trus dijaluki pinemune bab gajah..?
Mesti ono sing jawab wis ngerti, ono sing wis ngerti tapi lali ono ugo sing durung (sok teu ya, hehe….)
Demi kesejahteraan bersama….(kakean nonton keluarga somad) ora ono olone tak tulis supoyo sing wis ngerti tambah apal, sing lali dadi eling lan sing durung ngerti dadi ngerti lan sing luwih penting iso njupuk hikmahe lan pesen kang ono ing sajroning crito mau..
Iki versiku nanging insyaAlloh wos e (inti) crito podo.
Ono ing sawijining deso ono nom-noman telu kang katelune wuto. Sawijining dino deso mau kaliwatan rojo lan pasukane kondor soko paperangan. Kabeh poro rakyat ono ing deso mau podo nyambut kanti suko renaning ati amergo rojo lan pasukane menang ono ing paperangan.
Kamenangan mau sebab kapinteranae rojo ngatur strategi perang ugo trampil lan digdoyone poro prajurit ono ing medan perang.
Ing sela-selane suworo wong kang podo ngagungake rojo lan prajurite, ono saperangan wong kang muji gajah titihane (tumpakan) rojo
"Gagah tenan yo kang ndoro raja kae… opo meneh nitih gajah kang gede dhuwur sansoyo nambahi  perbawane ndoro raja”
Kang diajak guneman mangsuli
”Iyo dhi…. Malah jare kamenangan paperangane ndoro rojo iku salah sawijine yo amergo tandang gawene gajah tunggangan ndoro rojo mau kang ngedab-edabi.
Cekak cerito guneman mau keprungu nom-noman 3 kang wuto sing ono ing kono, amergo penasaran gajah kuwi koyo opo, nom-noman 3 mau banjur njaluk ijin marang rojo supoyo di keparengake ndumuk gajah mau. Rojo mau ngeparengake nom-noman 3 mau ndumuk gajah tunggangane ndoro rojo kanti syarat sedelok wae amergo ndoro rojo kudu enggal kondor tumuju kerajaan.
Akhire nom-noman telu mau khasil ndumuk gajah, ananging amergo mung sedelok katelune mung iso ndumuk perangane gajah.
Sing nomer 1 khasil ndumuk kupinge, sing nomer 2 khasil ndumuk sikile lan sing nomer 3 khasil ndumuk gadinge.
Sedino sawuse iku nom-noman 3 mau podho rembugkan masalah gajahe rojo.
“ Wah kang…. jebul gajah iku ombo koyo tampah yo…koyo ngono kok iso ndadekake menang paperangan yo…?
“ Ngawur kowe ki dhi…. gajah iku bunder dowo koyo pring pethung, aku yakin gajah mau digunakake ndoro rojo kanggo nggebuki musuhe mulo iso menang…”
“ Lhah kuwi sanyoyo ngawur…. ngene yo kang… dhi… menurutku gajah kuwi dowo lan lancip mulo ndoro rojo iso menang perang, amergo mungsuhe dicubles ngangggo gajah trus dienggok-enggokke, cobo bayangno opo ora perih… (haha…)
Yo ngono iku gambarane wong kang ilmune sitik ananging wani nyimpulake miturut deweke dewe, opo meneh isih ditambahai nganggo ilmu perngeyelan hehe….

Crito kang mirip-mirip….. (serupa tapi tak sama)

To the point, naliko aku dugem ono ing pos ronda mbuh piye kawitane konco-koncoku dugem podo micoro bab perang
“perang saiki ngono penak yo lek nganggo bedil, yen keno pluru ndase langsung mati bedo perang jaman mbiyen nganggone keris, bayangno yen ketubles keris matine kan suwe, opo meneh yen sing nyubles karo dinggo dolanan disik, dicubles trus dienggok-enggokke piye jal perasaanmu…haha…”
“Iyo pancen enak perang jaman saiki opo meneh nganggo peluru kendali soko adoh peluru ditembakke wis iso ngoyak target tembak…!!!
“Mosok tow lik…?”
“Kandyani kok…peluru kendali ki ono wesi branine…(magnet.. red) dadi nak perang ojo nganggo barang sing wujud wesi koyo jam tangan utowo HP, yen nganti nggowo…mbok nganti tekan WC kowe ngumpet, peluru kendali iso nututi”
“Mosok tow lek….?”
“Kandyani kok ngeyel…!!!”
hahahaha........kemekelen aku pemirsa

Kwi pemirsa ojo ngeyel nak dikandani ki….hahaha…….

TELO OPO POHONG

Tau weruh iklan TV “KETIK REG spasi JENENG”…? senadyan saiki wis ora tayang meneh nanging mesti isih podo kelingan, mbok menowo malah ono sing tau ngirim hayoo……. haha…
Utowo ramalan miturut Zodiac, Sio, Weton, lan sak piturute kang ono majalah, Koran utowo media elektronik (TV, radio utowo internet). Kabeh mau mung karangane manungso, ojo pisan-pisan percoyo amargo biso ndadekake musrik, ngrusak akidah.
Nek mung gawe ramalan aku wae yo iso pemirsa......
Ayo di delok bareng-bareng pemirsa.....
Ramalan gaweanku kanggo milah-milah/mengkatagorikan sifate konco-koncomu, di delok soko hobi mangane, seneng TELO opo POHONG.
Deskripsine ngene:

TELO :
TELO iku rasane manes (legi) dadi akeh sing seneng, ananging yen diolah dadi panganan cita rasa ke TELO annya (piye jal :D) angel ilange. Digodog, digoreng, digawe Timus, di gawe ngisi Bakpia Patok, di gawe kripik rasane tetep podo ora ninggal roso khas e TELO yoiku manes (legi).
Artine wong sing seneng mangan TELO iku biasane wonge :
1.Budi pekertine manes, sesuai karo rasane TELO
2.Konsisten/Teguh Pendirian, nadyan digawe model opo wae tetep roso TELO
3.Setia, ora gampang ganti roso TELO yo TELO
4.Kelemahane, monoton, angel MOVE ON (halah….hehe..), kurang kreatif podo karo TELO, digodog legi, digoreng legi, dadi timus legi Digawe kolak yo legi.

POHONG
Pohong iku citarasa dasare gurih, roso gurih iku yo akeh sing seneng. Soko gurih iku Yen diolah dadi panganan citarasa asli pohong e ora patio ketok, bandingno antarane phong digodog karo digoreng mesti adoh banget rasane, digawe getuk, digawe kripik, digawe criping, digawe gaplek, digawe mentho,digawe kolak kabeh citarasane bedo-bedo. Pohong ugo gampang digathuki karo panganan liyo,

Artine wong sing seneng mangan POHONG iku biasane wonge :
1.Luwes/gampang kekancan, koyo roso gurihe POHONG akeh wong kang seneng
2.Kreatif akeh akale, koyo POHONG kang iso diolah dadi macem-macem panganan kanti citarasa kang bedo2
3.Tukang lobi kang handal, koyo POHONG kang mathuk di pangan karo panganan liyo, diparut dikepeli karo kacang dadi mentho kacang, digoreng karo gulo dadi combro lan liya-liyane.
4.Kelemahane, pendiriane kadang gampang goyah, ora patik setiya, gampang jelehan, unine ra iso dicekel (mencla mencle) hhahaha…..

Dadi yen pingin ngerti sifate koncomu,yen dolan ning omahmu suguhono TELO karo POHONG
Yen milih TELO berarti koyo diskripsine TELO
Yen milih POHONG koyo diskripsine POHONG.
Nanging yen milih loro-lorone tur leh mangan nganti entek, kwi jenenge koncomu kengelihen utowo pancen koncomu kwi dlembo/kemaruk (boso inggrise HOLOT haha…..)

“KULUU WASROBUU WALAATUSRIFUU INNALLOHA LAA YUKHIBBUL MUSRIFIIN” (Makanlah dan minumlah dan jangan berlebihan, sesungguhnya Allah tidak menyukai orang-orang yang berlebihan).
Pilih endi…? “TELO OPO POHONG”

“OJO PERCOYO RAMALAN”

SYUKUR EDISI "KACANG BAWANG"

Esuk-esuk naliko sarapan, karo ngguya-ngguyu sajak ngece bojoku takon...

Bojoku : mangan tahu kok hial-hiul, ora tedas po mas?

Aku : iki lho aku njajal mangan nganggo untu sebelah tengen mumpung sing d pangan empuk hehe..

   

         Perlu panjenengan mangerteni pemirsa menowo untuku sebelah tengen wis krowok  mulo aku yen mangan mesti nganggo sebelah kiri.

Bubar sarapan trus adus mergo rencana arep legalisir akte ning Boyolali.
Cekak cerita tekan boyolali rampung legalisir mampir pasar Boyolali golek komponen elektro, apes seng di goleki ra ono, kroso ngelih mampir tuku kupat tahu, sakretiku kupat tahu ki khas magelang jebule boyolali yo ono, (komposisi kupat tahu : kupat ,tahu,kol, kacang bawang, kuah manis)
let 5 menit ono pasangan simbah-simbah mlebu (katon pasangan romantis haha...) nembung kupat tahu.
Bedo karo pas ngedoli aku mau, naliko ngedoli aku sing bakul langsung nyiapke kupat tahune, nanging kok naliko ngedoli pasangan romantis mau sing dodol kok nganggo takon..
"ngangge kacang bawang nopo mboten mbah?"
kompak pasangan romantis mau jawab "Mboten" , Sing dodol njur ngguyu..
Aku mikir sing di guyu opo...

Oo.... iyo nek simbah mau nganggo kacang bawang palin mung di mut wae, hial-hiul ngiwo nengen ra entek-entek haha.....
Alhamdulillah ijek iso tuku kupat tahu bumbu komplit termasuk "KACANG BAWANG" e
"Eeling Suk Bakale Tuwo"

ANALISA NGAWUR FILM KARTUN SOPO JARWO

Adit bang jarwo makin dekaaat….

Adiiiit……….

Aku yakin pemirsa paham kabeh diolog ing nduwur, bener… dialog ing nduwur mujudake opening kartun Indonesia kang di puter ono ing salah sawijine TV swasta, amargo kartun produk dalam negeri mesti wae jeneng tokohe yo Indonesia banget, ing antarane Jarwo, Sopo, Adit, Denis,Adel, Bang Haji (karakter e mirip H. Dedy mizwar), pak Dasuki lan lio-liyane

Kabeh tokohe duwe karakter dewe-dewe ngelingake marang film boneka Si Unyil, podo variatife ananging Sopo Jarwo luwih kekinian ndadekake enak ditonton opo meneh saben ceritane mesti ono unsur lucune….senadyan kadang garing…hehe…

Lan sing paling penting saben ceritane mesti ono pesan kebaikan kang biasane lewat pak haji marang bang Jarwo. Ibarat kate bang Jarwo iku sosok kang belajar soko kejadian “Learn by Accident” halah…hehe…

Ora percoyo…? iki buktine…..

Lagu karangane bang jarwo

‘Dim dim dam….. mari berdendang….

‘Dim dim dam….. tak boleh dendam…

Utowo do’a ne bang Jarwo naliko Sopo melu ujian kejar paket A

‘Yaa Alloh.. luluskanlah sopo Yaa Alloh…, Engkaulah Yang Maha Menolong aamiin….’

Kabeh mau mujudake bukti yen bang Jarwo gelem berubah, “minadzulumaati ila nuur / soko kaolonan tumuju kaapikan” (haha….ngarang)

Adit bang jarwo makin dekaaat….

Adiiiit……….

Kalimat kuwi ngandut arti kang jero, menurutku kalimat kuwi katujokake marang awake dewe supoyo awake dewe ora terus terusan kajebak ono ing swasono santai, roso males kanggo nindakake kaapikan, ibadah lan liya-liyane,  wis wayahe awake dewe gumbregah cancut tali wondo (usaha semaksimal mungkin).

Wis ora jamane istilah “Tenang saja Belanda masih jauh…”

Ganti nganggo istilah “Adit bang Jarwo makin dekaaat…..”

Kanggo micu semangat

Haha…. Jenenge wae “Terjemahan Bebas” dadi yo sakkarepku  :P

Sing nganti saiki aku isih bingung ki mung siji,

Bang jarwo ki kan duwe konco tow pemirsa…?

Lha jenenge koncone bang Jarwo ki Sopo…?  menurutmu sopo pemirsa...? (mumet ra kwe)