HEBATNYA PERSAHABATAN

Sawuse tak pikir, tak rasakke, tak resapi lan tak timbang akhire tak putusake kanggo ngunggah lirik lagu iki

Fitnah & Pencemaran Nama Baik Setan

Wulan romadlon iku wulan kang mulyo, wulan kang istimewa. Salah sawijine keistimewaan wulan romadlon yoiku ono ing wulan kuwi lawang surgo dibukak lawang neroko ditutup, setan dibelenggu (ditataleni)
Abu Hurairah radhiallahu ‘anhu ngandarakake: Rasulullah shallallahu ‘alaihi wa sallam ngendiko:

إِذَا جَاءَ رَمَضَانُ فُتِحَتْ أَبْوَابُ الْجَنَّةِ وَغُلِّقَتْ أَبْوَابُ النَّارِ وَصُفِّدَتِ الشَّيَاطِيْنُ

“Nalikane teko wulan Romadlon, lawang-lawang surgo den buka,lawang lawang neroko den tutup lan setan-setan den taleni (dibelenggu). [HR. Bukhori danMuslim]

Soko hadist mau banjur ono pitakonan, yen pancen ono ing wulan romadlon setan iku den belenggu, keno opo kok isih tetep ono kemaksiatan ?

Menowo soko pendapatku pribadi sih, aku yakin yen setan mau bener-bener den belenggu, ewo dene isih ono kemaksiatan ono ing wulan romadlon menurutku iku mergo manungsone wae sing durung iso ngedalekake howo nafsu, tugas setan iku mung nggodo manungso yen wis kagodo sabanjure howo nafsune wong mau dewe kang tumindak.

Anane hadist mau menurutku iso kanggo introspeksi awake dewe,opo bener dosa kesalahan lan maksiat kang wus den lakoni sakswene iki pancen digodo setan…? Opo mung pinter-pintere awake dewe golek alesan kanti “mengkambing hitamkan setan”.

Mabuk-mabuk dewe sing disalahke setan ….(aku tergoda setan)
Korupsi-korupsi dewe sing disalahke setan …. (aku tergoda setan)
Zino-zino dewe sing disalahke setan…. (aku tergoda setan)

Ati-ati…yen koyo mangkono kuwi setan iso lapor karo Gusti Alloh njaluk keadilan kanti tuduhan “FITNAH & PENCEMARAN NAMA BAIK SETAN” whahaha…

“Nulis karo krungu Adzan Dzuhur…..jiannn miriiiip karo Adzan Maghrib”

Copas Soko Group Whatsup

Putri Yang Ditukar

Putri Yang Ditukar iku sawijining judul sinetron kang diproduksi dening Sinema Production (sinemart) tahun 2010 nganti 2011, tayang mulai 20 september 2010 nganti tamat tanggal 25 November 2011. Sinetron iki nompo penghargaan  Drama Seri Terfavorit ono ing Panasonik Gobel Award 2011 lan 2012. Sinetron iki di produksi nganti 676 episode, nomer 2 sawuse Cinta Fitri ( 1002 episode)

Amira lan Zahira nduweni swasono urip kang bedo. Amira urip sederhana karo wong tuwane, Ihsan dan Utari. Sewalike Zahira urip mewah karo wong tuane, Prabu dan Aini, sarto ibu tiri Malena lann mbakyu tiri Meisya.

Ora koyo  Amira kang urip kebak katresnan ono ing keluarga. sewalike Zahira, nadyan oleh kasih sayang soko wong tuane, nanging tansah digething dening Malena dan Meisya. Mung Arman sopir pribadine,siji-sjine wong kang mangerti kasedihane Zahira lan ndadekake Zahira tetep tegar.

Nanging satemene Amira lan Zahira iku naliko lahir diijolke (ditukar) dening wisnu amergo dendam marang Prabu amergo wis gawe cacat Wisnu.

Ndak yo ngono tenan pemirsa critane…?, aku mung moco synopsis ono ing internet jew… hehehe…

Eh…nanging sing jeneng anak iku amanat pemirsa kang kudu digulowentah kanti samestine, akhir-akhir iki asring keprungu kabar lewat media elektronik lan internet masalah kekerasan marang anak, wiwit anak kang dibuang (anak yang tak diharapkan), anak kang babak belur mung goro-goro nangis terus,wiwit soko kasus Ari Anggara nganti kasus sing paling anyar Angeline

Please dech….. hormati wong kang ngidam-idamake usile anak, manjane anak,wangi sedep ambune anak bubar dipakpungi, ngidam weruh jangkahe anak naliko nyobo mlaku, alon-alon nyobo ngadek..sajangkah…rong jangkah… gabruk…tibo meneh….opo ora dho mikir tekan semono.Pangapuntene emosi…hehehe…

Mosok manungso kalah budine karo ayamku, ayamku ono ing gambar iku yo ono indikasi tertukar, critane ngene pemirsa:

Naliko ayam babonku ngendok bareng karo babone tonggoku yo ngendok, sawijining dino ayamku ngendok ono ing tarangan ayame tonggoku lan tonggoku weruh, sawuse ayamku mentas banjur ditiliki karo tonggoku, lan bener pemirsa…ndok ono tarangan tambah 1, ndok kang sekawit 2 dadi 3

Sabanjure tonggoku niat mbalekake ndok, ananging amergo ora ngerti sing endi sing ndoke ayamku akhire di undi.

Ji.. ro.. lu.. sing tengah paling ayu..

Ayu..ayu..dewe tukokke kathok gedhe

De… de… mpol

Cah gede ngompol…

Akhire kang ketiban itungan “mpol” kang digowo ning gonku.

Mundak dino, ndoke ayamku ugo mundak nganti 9 banjur di engkremi, kanti nahan roso ngelak lan luwe babon mau berjuang supoyo kondisi suhu ndoke tetep stabil lan iso netes (perjuangan seorang ibu), Alhamdulillah mergo iklase ayamku akhire 9 netes kabeh,naliko tak mat-matke kok ono sing bedo, soko 9 anak ayam mau kabeh ireng semu kuning kejobo siji sing werno kuning mulus.

Pikirku mbok menowo sing kuning mulus mau ndok sing kliru karo ndok ayame tonggoku, nanging tak mat-matke mben dinone babon mau ora mbedak-mbedakke anake nadyan bedo dhewe ora banjur disio-sio… mudak dino mundak gede anak ayam mau lan bener pemirsa ayam sing wolu wulune ireng sing siji werno putih (Putri Yang Ditukar)

Kesenengan iku kadang aneh kanggone wong liyo

Mbok menowo wis biasa, yen ono wektu longgar sakwuse aktifitas podo nonton televisi mirengke lagu-lagu soko MP3 player, VCD/DVD player lan alt elektronik liyane kanggo ngisi wektu longgar mau

Semono ugo bojoku ora bedo karo panjenengan kabeh, biasane bojoku ngrungoke lagu soko HP ne. ananging tak rasak-rasakake kok rodho bedo, saben muter lagu soko HP ne, lagu kang diputer musike kok kuwi-kuwi wae. Opo mergo aku sing ora ngerti opo yo pancen podo..? menurutku gender lagune lagu dangdut klasik, timbang penasaran akhire aku takon

judule opo tho adek lagu kuwi..?

Sing ndi…?

Lha kan mung siji…

Ora… akeh banget ki…

Eh …jebultenan ora mung siji akeh banget, lan bojoku nyebutke judul-judul lagu mau kanti pratitis…

☆Dunia yang sunyi
☆Selamat berbahagia
☆Menunggu kekasih
☆Di koma
☆Dunia yang suyi
☆Selamat berbahagia
☆Kehidupan dunia

 ☆Apa salahku-isabel
☆Bersandiwara
☆Tidurlah anakku sayang
☆sedih
☆Menuunggu kekasih
☆Meratapi nasib
☆Ada cinta ada dusta
☆Mengapa harus jumpa
☆Bunga ditaman
☆Cinta tak terpisahkan
☆Kau khiyanati cintaku
☆indahnya bulan
☆Kejamnya dunia
☆Hati berbunga-bunga
☆Bila hati ada cinta
☆Teman kurelakan dia
☆Terpaksa
☆Janganlah
☆Jangan tinggalkan aku
☆Cita-cita mulia
  ☆Yang kucinta
☆Cinta tulus dan suci

Sakdurunge tak teruske aku pengin takon pemirsa, ono sing reti opo ora judul-judul lagu kuwi…?, jujur aku blas durung tau ono sing krungu.banjur tak teruske takon:

Lagu opo tho kuwi kok ora ono sing reti blas aku…?

Kwi ki OST sinetron Misteri Ilahi ….?

Ternyata pemirsa……….

Sitik-sitik aku dadi eling… film produksi Genta Buana kang di siarake ono ing salah sawijining TV swasta, sinetrone ora berseri ning satu kali tayang tamat, ananging akeh banget episodene. Sinetron kang dibintangi imel putri cahyati, temmy rahadi, afdal, chaterine pamela, penti nur afiani, revi mariska lan liyo-liyane kabeh disebutke bojoku kanti fasih lan bener….(sangar apal kabeh….batinku)

Jruning batinku aku mikir, eh…jebul sing jeneng kesenengan iku pancen ora podo lan relatif kanggo saben wong, sinetron kang kanggoku biyasa-biyasa wae, jebul kanggone bojoku sesuatu banget lan mbok menowo membekas ono jroning ati, kaceto kabeh kang ono hubungane karo sinetron mau, wiwit judul sinetrone, pemaine, jam tayange lan nganti sound track e apal kabeh lirik-lirike.

Hobi kuwi pancen bedo-bedo saben wong, dadi menurutku “as long as it does not violate the rules, let it be”

Pesenku kanggo bojoku “ Jarno wae yen aku mancing, sebab kuwi hobiku lan sesuatu banget kanggo aku” Hahaha…..

Salah Ing Pinaham (Mis Understand)

 gb. soko : www.keepcalm-o-matic.co.uk.

Miturut Gorrys Keraf (1977 : 1), Boso (luwih tepate Boso lesan) iku mujudake alat komunikasi antarane anggota masyarakat arupo simbul unen-unen kang dihasilake dening alat pangucap manungso.

Sejatine komunikasi ora mung nganggo “Boso Lisan” nanging ugo biso nganggo boso isyarat, boso tubuh (body language), boso gambar, morse, lan liya-liyane kalebu suoro kentongan kang digunakake masyarakat padesan.

Ananging soko pirang-pirang werno model komunikasi mau paling gampang dimangerteni yoiku boso lisan.

Ewo semono ono kalane nganggo boso lisan tetep wae kedadean salh ing pinaham (misunderstand) kang kadang kolo iso ndadekake komunikasi ing antarane 2 utowo luwih wong dadi slenco.

Aku yo nate ngalami pemirsa….. (halah…. Capek deh…)

Critane ngene, naliko aku kelas 2 SMP aku ono ing kelas 2A kelase gandeng karo kelas 3D sing mengkone naliko kelas 3 dadikelasku ugo, kenopo tak critakke kelas 3D… amergo kelas kuwi kelas kang bedo dewe. Kelas liyane bangunane seko tembok rong kelas kuwi isih soko papan (mesakke).

Kiro-kiro 5 langkah soko lawang kelas kelas 2A ono warunge Mak Nadi (nek ra kliru), dadi yen arep pesen soto “Tak usah kirim surat, SMS juga gak  usah).

Jaman semono aku disangoni wong tuwaku Rp. 600,- kanggo transport menyang-mulih Rp.200,- turah 400 kanggo jajan. Duit kanggo jajan biyasane ora tak entekke, kadang 50 kadang 100 tak turahke tak celengi ono ing bumbung pring nganti iso takgawe tuku radio Transistor (pengamalan dasa darma pramuka darma nomor 7 “Hemat, Cermat dan Bersahaja”.

Sawijining wektu, naliko istirahat aku jajan nggone mak Nadi. Naliko kuei aku jajan soto karo gorengan 2, bubar mangan aku banjur mbayar….

Aku     : mpun mak….soto kaleh gorengan 2

Mak Nadi        : sotone 300 gorengan 100 dadi 400

Kanti rodo plenggang-plenggong tak bayar trus aku mlebu kelas

Tekan kelas aku isih mikir-mikir (galau), koyoke ono sing salah deh mak Nadi (mbayangke wajahe mak nadi), anggone ngitung mau soto kok 300, biyasane kan 150…? Aku dadi ora konsentrasi pelajaran pemirsa (wektu kuwi pelajarane pak Mulyono, PSPB). Nganti bubar pelajaran istirahat ke 2 pelajaran blas ora ono sing mlebu (ancene bodho).

Naliko istirahat, kanti ngerahke kabeh kadigdayan lan mbuang roso jirehku(aku mbiyen wedinan mas…..yen saiki ngono….isih) akhire aku takon karo mak Nadi

Aku                 : mak anggenipun ngetung wau nopo mboten salah mak…?

Mak Nadi        : lha piro mau le…?

Aku                 : soto kaleh gorengan 2

Mak Nadi        :rak yo bener tho soto 2 gorengan 2….

Aku                 : soto kaleh niku maksude soto karo (dan) dados sotone setunggal

Mak nadi         : oww…. Bocah…. Mbok mau ngomonge soto kalian gorengan 2 rak yo mudeng aku, yen olehmu kondo mau rak soto kaleh gorengan kaleh, retiku yo sotone 2, dadi misunderstand aku tho le…..le….(mak Nadi gaul haha…)

Siji meneh crito salah ing pinaham, critone mbokdeku naliko dadi rewang bakul ono Jakarta, naliko kuwi mbokdheku dikongkon blonjo karo sing duwe warung.

Sing duwe warung      : yu blonjo ning pasar yo…,iki catetane, iki duwite….sing 1500 iki ngko daginge asu yo…

Mbokdheku     : nggih bu karo mangkat

Bareng wis entuk kabeh blanjane, banjur golek daginge asu, muter-muter sak ombone pasar,takon mrono-mrene ora ono kang adol daging asu, akhire mbokdheku menyerah banjur bali

Mbokdheku                 : bu niki blanjane, ning daginge asu mboten wonten…

Sing duwe warung      : mosok pasar sakmono ombone ora ono daging

Mbokdheku                 : wontene daging sapi lan ayam bu

Sing duwe warung      : lha yo kuwi daging sapi kanggo pakan asu

Mbokdheku                 : &*^%$#$5*9)*&….

Yen ning omahmu nganggo boso opo pemirsa, Indonesia, Jawa, Inggris, Arab…

Yen aku sih seringe body language…whehehe…..